[1488] 03 04
Мещанину" менскому Луце Терешковичу листъ безмытъныи
Казимиръ, Божъю м(и)л(о)стью.
Княземъ нашимъ и паномъ, и наместникомъ, и тивуномъ, и бояромъ, и мьшникомъ, и всимъ заказникомъ. Тотъ нашъ чоловекъ, мещанинъ менъскин Лука Терешковичъ, торгуеть нашимъ дубасомъ бобрумскимъ Троикое половины, а нашими пенязьми, а отъ того намъ прибытокъ дает. И вы бы отъ нашого дубаса и от его комяги мыта не брали бы есте: в Глусъку, въ Погосте, в Чсрторыску, у Куликовичохъ, въ Четъверътни, в Луцъку, у в Острозе, въ Степани, въ Дубровицы, въ Городъку, у Турове, у Паустьи, въ Пинъску, въ Берестьи, в Дорогичине, въ Каменъцы, в Слониме, въ Ковне, в Новегородъцы Литовъскомъ, въ Менъску, въ Смоленъску, въ Орши, въ Могилеве, в Рогочеве, въ Лучине, въ Стрешине, в Речицы, в Гомъи, въ Чичерску, въ Пропостъку, въ Кричове, во Мстисловли, в Дорогобужи, у Вязъме, в Новегородцы Северъском, || [163v] в Радогощи, въ Трубецъку, въ Браньску, въ Стародубе, в Чернигове, у Вышегороде, въ Киеве, въ Путивли, въ Черкасехъ, в Житомири, въ Чуднове, в Овъручъемъ, в Чорнобыли, въ Мозыри, в Новозе, в Любечи, в Грезску - по всимъ нашимъ мытомъ, и по князским, и по панъскимъ, и по боярскимъ, сухимъ и водою. А котории бы хотели через нашъ листъ силу ему чинити, а мыто взяти от нашого дубаса и отъ его комяг, тотъ намъ великую вину заплатить.
Писанъ у Вильни, мар(та) 4 день, инъдик[т]ъ 6.
